गोरखा २१, बैशाख । जिल्ला प्रहरी कार्यालय गोरखाले बिभिन्न समयमा हराएका मोवाइल खोजी डकडाउनका समयमा फेला पारेको मोवाईल घरघरमा पुगेर मोवाईल धनीलाई बुझाएको छ । प्रहरीले लडडाउनका समयमा मोवाईल धनीहरु कार्यालय आउन नसक्ने भएपछि अहिलेसम्म फेला परेका ५ वटा मोवाईल घरघरमा पुगेर मोवाइल धनीलाई बुझाई सकिएको प्रहरीले जनाएको छ ।
जिल्ला प्रहरीले कार्यालय गोरखाले बिभिन्न समयमा मोवाइल हाराएको भनि निवेदन परेको आधारमा बिभिन्न समयमा हराएका मोवाईल खोजी कार्यलाई तिव्रता दिदै आएको छ । गोरखा प्रहरीले हराएका र चोरी भएका मोवाईल खोजी कार्यलाई तिव्रता दिएसंगै अहिलेसम्म ३४ वटा मोवाईलहरु खोजतलास गरी सम्बन्धित घरधनीलाई बुझाई सकेको जनाएको छ ।
निवदेनका आधारमा हराएका र चोरी भएका बाँकी मोवाईलको खोजी कार्य समेत जारी रहेको प्रहरीको भनाई छ ।
