गोरखा ११ बैशाख । गोरखाको शहिद लखन गाउँपालिका–७ स्थित गरन्जागाउँमा पटका पड्काँउदा एक युवक घाइते भएका छन् । घाइते युवकको हातको औला चुँडिएको जिल्ला प्रहरी कार्यालय गोरखाका प्रमुख प्रहरी उपरीक्षक (एसपी ) ओमप्रसाद अधिकारीले जानकारी दिनुभयो ।
बुधबार साँझ करिब साढे ७ बजेको समयमा घरमा राखिएको पटका हातमा राखेर खेलाउने क्रममा पड्किएर २० बर्षिय अनिल थापाको घाइते भएका हुन् । उनको देब्रे हातको दुई वटा औला चुडिएको एसपी अधिकारीले बताउनुभयो । तिहारका बेला मनोरञ्जनका लागि पड्काउने उद्देस्यले ल्याएर राखेको पटक झिकेर खेलाउने क्रममा पड्किएको हुनसक्ने बताइएको छ ।
पटका पड्किँएर घाइते भएका थापाको जिल्ला सदरमुकाम स्थित एपोलो अस्पतालमा उपचार भईरहेकोे छ । घटनाको थप अनुसन्धान भईरहेको प्रहरीले जनाएको छ ।
