गोरखा ८ ,बैशाख । बालिकालाई जबरजस्ती करणी गरेको आरोपमा प्रहरीले एक युवकलाई पक्राउ गरेको छ । गोरखा नगरपालिका वडा नम्बर ७ बस्ने २६ बर्षिया रामशरण सिर्मलाई पक्राउ गरेको जिल्ला प्रहरी कार्यालय गोरखाले जनाएको छ ।
उनले १६ बर्षिय बालिकालाई बिहेको प्रलोभन देखाई जबरजस्ती करणी गरेको प्रहरीले जनाएको छ । गएको ३ गते दिउँसो साढे ४ बजेको समयमा आफ्नै घरमा लगेर बालिकालाई करणी गरेको थाहा भएपछि पिडितका बाबुले दिएको उजुरीको आधारमा सिर्मललाई पक्राउ गरिएको प्रहरीको भनाई छ ।
उनलाई जबरजस्ती करणी शिर्षकमा मुद्धा दर्ता गरी थप अनुसन्धान अघि बढाइएको प्रहरीले जनाएको छ ।
