कोरोना भाइरसबाट सुरक्षित हुन सरकारले बिभिन्न रणनीति तय गरिरहेका बेला सामाजिक सञ्जालमा भ्रमपूर्ण कुरा सार्वजनिक हुदा नागरिकहरु आक्रान्त बनेका छन् ।
पछिल्लो समय शनिवार बिहानदेखि नै सामाजिक सञ्जालमा कोरोना सम्बन्धी फेरी अर्को एउटा सूचना भाइरल भईरहेको छ । सूचनामा आज राति शनिवार कोरोना भाइरसको संक्रमण रोक्न हेलिकप्टरबाट किटनाशक औषधि छर्कने भन्ने भनेर भ्रम फिजाईएको छ ।
नेपाली सेनाका प्रबक्ता विज्ञानदेव पाण्डेले सूचना गलत भएको जानकारी दिनुभयो । यो अफवाह हो। यस्तोको पछाडि नलाग्नुहोला, पाण्डेले भन्नुभयो ।
त्यस्तै, आज मात्र प्रहरीले कोरोनाबारे सामाजिक सञ्जालमा अफवाह फैलाउने एक जना युवकलाई प्रहरीले नियन्त्रणमा लिएको छ। केन्द्रीय साइबर व्यूरोको टोलीले रामेछाप घर भएका २० वर्षीय विवेक थापालाई नियन्त्रणमा लिएको हो।
