काठमाण्डौं ८ चैत । काठमाण्डौको नर्भिक अस्पतालमा कोरोना भाइरसका कारण ६ जनाको मृत्यु भईसकेको भन्दै भ्रम फैलाउने व्यक्ति नेबिसंघका नेता भएको खुल्न आएको छ ।
झोर्ले न्युजको व्यवस्थापक समेत रहेको बताउने रामेछाप जिल्ला घर भएका विबेक थापा मगर नेविंसघमा आबद्ध रहेको पाइएको हो । हस्पीटमा मान्छे मरिसकेको तर सरकारले केही पनि गर्न नसकेको र लुकाएको भन्दै अडियो क्लिप मार्फत भ्रमपूर्ण प्रचार गरेसंगै सर्वत्र त्रासको बातावरण सिर्जना गरेपछि नर्भिक अस्पतालले समेत बिज्ञप्ती निकालेर खण्डन गर्नुपरेको थियो ।
उनले यसरी भ्रम फैलाएका थिए । फेसबुकको वालबाट स्क्रिनसट गरिएको
उनलाई आज नेपाल प्रहरीको साइबर ब्यूरोले शनिबार दिउँसो पक्राउगरिसकेको छ । थापा मगरले बनाएको अडियो सामाजिक सञ्जालमा भाइरल बनेपछि प्रहरीले खोजी सुरू गरेको थियो । घटनाका सम्बन्धमा थप अनुसन्धान भैरहेको प्रहरीले जनाएको छ ।
